ԸՆԴՀԱՆՈւՐ ԴՐՈւՅԹՆԵՐ
1. Սույն կարգով սահմանվում է Համալսարանի վճարովի համակարգի` բակալավրիատի, մագիստրատուրայի ուսանողների, կլինիկական օրդինատորների, ինտերնների, ասպիրանտների և նախապատրաստական ուսուցման ունկնդիրների 2012-2013 ուսումնական տարվա ուսման վարձաչափերի վճարման կարգը:
2. Ուսուցման վարձաչափերը սահմանվում են ելնելով կրթության կազմակերպման ձևերից, ուսուցման լեզվից և սույն կարգով սահմանված այլ առանձնահատկություններից: Սույն կարգով են սահմանվում նաև Համալսարանի կողմից նախատեսված վարձաչափերի լրիվ կամ մասնակի փոխհատուցման կանոնները և պայմանները:
3. Սույն կարգի իմաստով «Օտարերկրացի» հասկացությունը վերաբերում է օտարերկրյա քաղաքացիներին և քաղաքացիություն չունեցող անձանց:
ՄԻԱՍՆԱԿԱՆ ԿԱՐԳՈՎ ՀԱՄԱԼՍԱՐԱՆ ԸՆԴՈՒՆՎԱԾ ՈՒՍԱՆՈՂՆԵՐԻ ՏԱՐԵԿԱՆ ՈՒՍՄԱՆ ՎԱՐՁԱՉԱՓԵՐԸ
4. Բակալավրի կրթական ծրագրով սովորող ուսանողների համար սահմանվում են հետևյալ վարձաչափերը.
- ա) Ընդհանուր բժշկության ֆակուլտետ՝ 800.000 (ութ հարյուր հազար) դրամ.
- բ) Ստոմատոլոգիական ֆակուլտետ՝ 800.000 (ութ հարյուր հազար) դրամ.
- գ) Դեղագիտական ֆակուլտետ՝ 580.000 (հինգ հարյուր ութսուն հազար) դրամ:
5. Մագիստրատուրայի կրթական ծրագրով սովորող ուսանողների համար սահմանվում են հետևյալ վարձաչափերը.
- ա) Ընդհանուր բժշկության ֆակուլտետ՝ 900.000 (ինը հարյուր հազար) դրամ.
- բ) Ստոմատոլոգիական ֆակուլտետ՝ 900.000 (ինը հարյուր հազար) դրամ.
- գ) Հանրային առողջության ֆակուլտետ՝ 700.000 (յոթ հարյուր հազար) դրամ:
- դ) Դեղագիտական ֆակուլտետ՝ 650.000 (վեց հարյուր հիսուն հազար) դրամ:
6. Լեռնային Ղարաբաղի Հանրապետությունից և Վրաստանի Սամցխե-Ջավախք ու Քվեմո-Քարթլի նահանգներում գրանցված և բնակվող հայազգի բակալավրի և մագիտրատուրայի կրթական ծրագրերով սովորող ուսանողները վճարում են սույն մասով սահմանված վարձաչափերը:
ՀՀ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐՈՒՄ ՕՏԱՐԵՐԿՐԱՑԻՆԵՐԻ ԸՆԴՈՒՆԵԼՈՒԹՅԱՆ ԿԱՆՈՆՆԵՐՈՎ ՀԱՄԱԼՍԱՐԱՆ ԸՆԴՈՒՆՎԱԾ
ՈՒՍԱՆՈՂՆԵՐԻ ՏԱՐԵԿԱՆ ՈՒՍՄԱՆ ՎԱՐՁԱՉԱՓԵՐԸ
7. Հայերեն և ռուսերեն ուսուցմամբ օտարերկրյա հայազգի ուսանողների համար սահմանվում են հետևյալ վարձաչափերը.
- ա) Ընդհանուր բժշկության ֆակուլտետ՝ 1.000.000 (մեկ միլիոն) դրամ,
- բ) Ստոմատոլոգիական ֆակուլտետ՝ 1.000.000 (մեկ միլիոն) դրամ,
- գ) Դեղագիտական ֆակուլտետ՝ 700.000 (յոթ հարյուր հազար) դրամ:
8. Անգլերեն ու ռուսերեն ուսուցմամբ օտարերկրացի և անգլերեն ուսուցմամբ օտարերկրյա հայազգի ուսանողների համար սահմանվում են հետևյալ վարձաչափերը.
- ա) Ընդհանուր բժշկության ֆակուլտետ՝ 1.600.000 (մեկ միլիոն վեց հարյուր հազար) դրամ,
- բ) Ստոմատոլոգիական ֆակուլտետ՝ 1.600.000 (մեկ միլիոն վեց հարյուր հազար) դրամ,
- գ) Դեղագիտական ֆակուլտետ՝ 1.400.000 (մեկ միլիոն չորս հարյուր հազար) դրամ:
9. Առանձնահատուկ անհրաժեշտ դեպքերում օտարերկրացի (այդ թվում՝ ոչ ռեզիդենտ) ուսանողների ուսման վարձաչափը կարող է սահմանվել նրանց հետ կնքած պայմանագրերի համաձայն:
ԿԼԻՆԻԿԱԿԱՆ ՕՐԴԻՆԱՏՈւՐԱՅԻ ՎԱՐՁԱՉԱՓԵՐԸ
10. ՀՀ քաղաքացի կլինիկական օրդինատորների համար սահմանվում են հետևյալ վարձաչափերը՝ ըստ մասնագիտությունների և ուսուցման տարիների [*].
ա) 250.000 (երկու հարյուր հիսուն հազար) դրամ ներքոթվարկյալ մասնագիտությունների համար՝
- ախտաբանական անատոմիա և կլինիկական մորֆոլոգիա 2 տարի,
- ֆթիզիատրիա 1 տարի,
- համաճարակաբանություն 1 տարի,
- հիգիենա 1 տարի,
- դեղանյութերի տեխնոլոգիա 1 տարի,
- մանրեաբանություն 1 տարի։
բ) 500.000 (հինգ հարյուր հազար) դրամ հետևյալ մասնագիտությունների համար՝
- ներքին բժշկություն 3 տարի,
- թունաբանություն 2 տարի,
- նեֆրոլոգիա 2 տարի,
- ռևմատոլոգիա 2 տարի,
- պուլմոնոլոգիա 2 տարի,
- գաստրոէնտերոլոգիա 2 տարի,
- սպորտային բժշկություն 2 տարի,
- ֆիզիոթերապիա 2 տարի,
- ռեաբիլիտոլոգիա 2 տարի,
- ընտանեկան բժշկություն 2 տարի,
- անեսթեզիոլոգիա և ռեանիմատոլոգիա 3 տարի,
- արյունաբանություն 3 տարի,
- դեղագիտություն 1 տարի,
- կլինիկական իմունոլոգիա և ալերգոլոգիա 2 տարի,
- սոցիալական հիգիենա և առողջապահության կազմակերպում 2 տարի,
- հոգեբուժություն 2 տարի,
- հոգեթերապիա 2 տարի,
- նարկոլոգիա 1 տարի,
- ինֆեկցիոն հիվանդություններ 2.5 տարի,
- մանկաբուժություն 3 տարի,
- նեոնատոլոգիա 3 տարի,
- դեղագործության կազմակերպում 1 տարի,
- կլինիկական ֆարմակոլոգիա 2 տարի,
- այրվածքաբանություն 2 տարի,
- տրանսֆուզոլոգիա և արյան պաշարում 1 տարի,
- շտապ բուժօգնություն 2 տարի,
- կինեզոթերապիա 1 տարի,
- մանուալ թերապիա 1 տարի,
- ռեֆլեքսոթերապիա 1 տարի,
- հոմեոպաթիա 2 տարի:
գ) 750.000 (յոթ հարյուր հիսուն հազար) դրամ հետևյալ մասնագիտութ-յունների համար՝
- սրտաբանություն 3 տարի,
- էնդոկրինոլոգիա 2 տարի,
- ուռուցքաբանություն 3 տարի,
- մաշկաբանություն և վեներալոգիա 2 տարի,
- դատաբժշկական փորձաքննություն 2 տարի,
- սեքսապաթոլոգիա 2 տարի,
- կլինիկական լաբորատոր ախտորոշում 1 տարի,
- սրտային վիրաբուժություն 4 տարի,
- կրծքային վիրաբուժություն 3 տարի,
- անոթային վիրաբուժություն 3 տարի,
- նյարդավիրաբուժություն 4 տարի,
- նյարդաբանություն 3 տարի,
- պրոկտոլոգիա 3 տարի,
- կոսմետոլոգիա 2 տարի,
- մանկական ստոմատոլոգիա 2 տարի։
դ) 850.000 (ութ հարյուր հիսուն հազար) դրամ հետևյալ մասնագիտությունների համար՝
- ակնաբանություն 3 տարի,
- քիթ կոկորդ ականջաբանություն 3 տարի,
- վնասվածքաբանություն և օրթոպեդիա 3 տարի,
- ընդհանուր վիրաբուժություն 3 տարի,
- պլաստիկ վիրաբուժություն 4 տարի,
- ուրոլոգիա 3 տարի,
- դիմածնոտային վիրաբուժություն 3 տարի:
ե) 1.000.000 (մեկ միլիոն) դրամ հետևյալ մասնագիտությունների համար՝
- ճառագայթային ախտորոշում 2 տարի,
- մանկաբարձություն և գինեկոլոգիա 3 տարի,
- թերապևտիկ ստոմատոլոգիա 3 տարի,
- վիրաբուժական ստոմատոլոգիա 3 տարի,
- օրթոպեդիկ ստոմատոլոգիա 3 տարի,
- օրթոդոնտիկ ստոմատոլոգիա 3 տարի,
- ընտանեկան ստոմատոլոգիա 1.5 տարի։
11. Լեռնային Ղարաբաղի Հանրապետությունից և Վրաստանի Սամցխե-Ջավախք ու Քվեմո-Քարթլի նահանգներում գրանցված և բնակվող հայազգի օրդինատորների ուսման վարձը սահմանել՝ ՀՀ քաղաքացի կլինիկական օրդինատորների ուսման վարձի չափով:
12. Կլինիկական օրդինատուրայում սովորող oտարերկրացիների համար սահմանվում են հետևյալ վարձաչափերը.
- ա) Համալսարանն ավարտած հայերեն և ռուսերեն ուսուցմամբ հայազգի օտարերկրացի օրդինատորների համար` 1.100.000 (մեկ միլիոն հարյուր հազար) դրամ.
- բ) Համալսարանն ավարտած օտարերկրացի օրդինատորների համար՝ 2.000.000 (երկու միլիոն) դրամ.
- գ) այլ բուհեր ավարտած օտարերկրացի օրդինատորների համար՝ 2.400.000 (երկու միլիոն չորս հարյուր հազար) դրամ.
- դ) այլ բուհեր ավարտած հայազգի օտարերկրացի օրդինատորների համար՝ 1.400.000 (մեկ միլիոն չորս հարյուր հազար) դրամ:
13. Բացառիկ դեպքերում ոչ ռեզիդենտ կլինիկական օրդինատորների ուսման վարձաչափը կարող է սահմանվել նաև նրանց հետ կնքած պայմանագրերի համաձայն:
ԻՆՏԵՐՆԱՏՈւՐԱՅԻ ՎԱՐՁԱՉԱՓԵՐԸ
14. Ինտերնատուրայում սովորողների համար սահմանվում են հետևյալ վարձաչափերը.
ՀՀ քաղաքացի, Լեռնային Ղարաբաղի Հանրապետությունից և Վրաստանի Սամցխե-Ջավախք ու Քվեմո-Քարթլի նախահանգներում գրանցված և բնակվող հայազգի սովորողներ`
- ա) ընդհանուր պրակտիկայի բժիշկ և ստոմատոլոգ մասնագիտությամբ՝ 1.000.000 (մեկ միլիոն) դրամ.
- բ) ընդհանուր պրակտիկայի դեղագետ մասնագիտությամբ՝ 800.000 (ութ հարյուր հազար) դրամ:
15. Ինտերնատուրայում սովորող oտարերկրացիների համար սահմանվում են հետևյալ վարձաչափերը.
ա) Համալսարանն ավարտած հայազգի օտարերկրացի ընդհանուր պրակտիկայի բժիշկ և ստոմատոլոգ բժիշկ մասնագիտությամբ ինտերնների համար՝ 1.100.000 (մեկ միլիոն հարյուր հազար) դրամ, դեղագետ ինտերների համար՝ 900.000 (ինը հարյուր հազար):
բ) Համալսարանն ավարտած՝ օտարերկրացի ընդհանուր պրակտիկայի բժիշկ և ընդհանուր պրակտիկայի ստոմատոլոգ մասնագիտությամբ ինտերնների համար՝ 1.400.000 (մեկ միլիոն չորս հարյուր հազար) դրամ, դեղագետ ինտերների համար՝ 1.200.000 (մեկ միլիոն երկու հարյուր հազար) դրամ:
գ) այլ բուհեր ավարտած հայազգի օտարերկրացի ինտերների համար՝ ընդհանուր պրակտիկայի բժիշկ և ընդհանուր պրակտիկայի ստոմատոլոգ մասնագիտությամբ ինտերնների համար՝ 1.300.000 (մեկ միլիոն երեք հարյուր հազար) դրամ, դեղագետ ինտերների համար՝ 1.100.000 (մեկ միլիոն հարյուր հարյուր հազար) դրամ:
դ) այլ բուհեր ավարտած օտարերկրացի ինտերների համար՝ ընդհանուր պրակտիկայի բժիշկ և ընդհանուր պրակտիկայի ստոմատոլոգ մասնագիտությամբ ինտերնների համար՝ 1.600.000 (մեկ միլիոն վեղ հարյուր հազար) դրամ, դեղագետ ինտերների համար՝ 1.400.000 (մեկ միլիոն չորս հարյուր հազար):
ԱՍՊԻՐԱՆՏՈւՐԱՅԻ ՎԱՐՁԱՉԱՓԵՐԸ
16. Ասպիրանտուրայում առկա սովորողների համար սահմանվում են հետևյալ վարձաչափերը.
- ա) ՀՀ քաղաքացի ասպիրանտներ՝ 1.000.000 (մեկ միլիոն) դրամ,
- բ) «ՀՀ ուսումնական հաստատություններում օտարերկրացիների ընդունելության կանոններով» ընդունված ասպիրանտներ՝ 2.000.000 (երկու միլիոն հազար) դրամ:
17. Ասպիրանտուրայում հեռակա սովորողների համար`
- ա) ՀՀ քաղաքացի ասպիրանտներ՝ 550.000 (հինգհարյուր հիսուն) դրամ,
- բ) «ՀՀ ուսումնական հաստատություններում օտարերկրացիների ընդունելության կանոններով» ընդունված օտարերկրացի ասպիրանտներ՝ 2.400.000 (երկու միլիոն չորս հարյուր հազար) դրամ:
18. Լեռնային Ղարաբաղի Հանրապետությունից և Վրաստանի Սամցխե-Ջավախք ու Քվեմո-Քարթլի նահանգներում գրանցված և բնակվող հայազգի ասպիրանտների ուսման վարձը սահմանվում է ՀՀ քաղաքացի ասպիրանտների ուսման վարձի չափով:
ՆԱԽԱՊԱՏՐԱՍՏԱԿԱՆ ԴԱՍԸՆԹԱՑՆԵՐԻ ՎԱՐՁԱՉԱՓԵՐԸ
19. Նախապատրաստական դասընթացների ունկնդիրների համար սահմանվում են հետևյալ վարձաչափերը.
- ա) հայերեն և ռուսերեն ուսուցմամբ հայազգի օտարերկրացի սովորողների համար` 500.000 (հինգ հարյուր հազար) դրամ.
- բ) անգլերեն ուսուցմամբ օտարերկրացի սովորողների համար՝ 1.000.000 (մեկ միլիոն) դրամ:
ԼՐԱՑՈՒՑԻՉ ՊԱՅՄԱՆՆԵՐ
20. Բակալավրի և մագիստրատուրայի կրթական ծրագրերով սովորող ուսանողների ուսման վարձի վճարման ժամկետ է սահմանվում՝ առաջին կիսամյակի համար մինչև սույն թվականի սեպտեմբերի 15-ը, երկրորդ կիսամյակի համար մինչև փետրվարի 15-ը:
Կլինիկական օրդինատուրայի, ինտերնատուրայի, ասպիրանտուրայի և նախապատրաստական դասընթացների համար ուսման վարձի վճարման ժամկետները սահմանվում են ուսուցման մասին պայմանագրերով:
21. Ակադեմիական արձակուրդից, երեխայի խնամքի համար հատկացված արձակուրդից, ինչպես նաև զինվորական ծառայությունից վերադարձած սովորողների ուսման վարձը և ուսման վարձի փոխհատուցումների չափերը մնում են անփոփոխ՝ համաձայն նրանց հետ կնքած պայմանագրերի և ռեկտորի հրամանի:
22. Այլ բուհերից Համալսարան, Համալսարանի ֆակուլտետից այլ ֆակուլտետ տեղափոխվող, ազատվելուց կամ հեռացվելուց հետո վերականգնված ուսանողների ուսման վարձաչափը հաշվարկվում է տվյալ ուսումնական տարվա, համապատասխան մասնագիտությունների, համանման կարգավիճակի և տվյալ ֆակուլտետի և խմբերի համար սահմանված վարձավճարի չափով, և նրանց հետ կնքվում է նոր պայմանագիր:
23. Ուսանողի հետ կնքված պայմանագիրը, այդ թվում` այդ պայմանագրով նախատեսված ուսման վարձի չափերը, ուսումնառության ամբողջ ընթացքում փոփոխման ենթակա չեն:
ՈւՍՄԱՆ ՎԱՐՁԱՉԱՓԵՐԻ ԼՐԻՎ ԿԱՄ ՄԱՍՆԱԿԻ ՓՈԽՀԱՏՈւՑՄԱՆ ԿԱՆՈՆՆԵՐ
24. Հիմք ընդունելով «Կրթության մասին» ՀՀ օրենքի 28-րդ հոդվածի 6-րդ կետը, «Բարձրագույն և հետբուհական մասնագիտական կրթության մասին» ՀՀ օրենքի 6 հոդվածի 4-րդ մասը, ՀՀ Կառավարության 2006 թվականի հուլիսի 27-ի թիվ 1183-Ն որոշմամբ հաստատված «Հայաստանի Հանրապետության բարձրագույն ուսումնական հաստատություններում ուսանողական նպաստ և պետական կրթաթոշակ տալու կարգը» սահմանվում է պետության և Համալսարանի կողմից ՀՀ քաղաքացի ուսանողների, ինտերնների, կլինիկական օրդինատորների և ասպիրանտների 2012-2013 ուսումնական տարվա տարեկան ուսման վարձաչափերի լրիվ կամ մասնակի փոխհատուցման հետևյալ կարգը:
25. Պետությունն ուսանողական նպաստի ձևով ուսման վճարի լրիվ փոխհատուցում տրամադրում է`
ա) մեկ ուսումնական տարվա քննությունների և ստուգարքների արդյունքներով առավել բարձր գնահատականներ ունեցող ուսանողներին` մրցութային կարգով.
բ) օրենքով նախատեսված հետևյալ սոցիալական խմբերին`
- առանց ծնողական խնամքի մնացած (մինչև 23 տարեկան) ուսանողներին և նրանց թվին պատկանող անձանց` համաձայն «Առանց ծնողական խնամքի մնացած երեխաների սոցիալական պաշտպանության մասին» Հայաստանի Հանրապետության օրենքի,
- 1-ին, 2-րդ խմբերի հաշմանդամներին և հաշմանդամ երեխայի կարգավիճակ ունեցող անձանց, ինչպես նաև 3-րդ խմբի հաշմանդամներին, եթե հաշմանդամության 1-ին, 2-րդ խմբերի և հաշմանդամ երեխայի կարգավիճակը փոխարինվել է 3-րդ խմբով` համաձայն «Հայաստանի Հանրապետությունում հաշմանդամների սոցիալական պաշտպանության մասին» ՀՀ օրենքի.
- զոհված զինծառայողի երեխա-ուսանողներին, պարտադիր ժամկետային զինվորական ծառայության ընթացքում հաշմանդամ դարձած ուսանողներին` համաձայն «Զինծառայողների և նրանց ընտանիքների անդամների սոցիալական ապահովության մասին» Հայաստանի Հանրապետության օրենքի.
գ) պետության համար առաջնահերթություն և կարևորություն ներկայացնող մասնագիտություններով նպատակային ուսուցմամբ ընդունված ուսանողներին:
Առանց ծնողական խնամքի մնացած ուսանողներին և նրանց թվին պատկանող անձանց, զոհված զինծառայողի երեխա-ուսանողներին ուսանողական նպաստներ տրամադրվում են 1-ին կուրսից մինչև ծրագրի ավարտը, իսկ 1-ին և 2-րդ խմբերի հաշմանդամներին և հաշմանդամ երեխայի կարգավիճակ ունեցող անձանց, պարտադիր ժամկետային զինվորական ծառայության ընթացքում հաշմանդամ դարձած ուսանողներին ուսանողական նպաստները համապատասխան փաստաթղթերի առկայության դեպքում տրվում են 1-ին կուրսի սկզբում և վերանայվում յուրաքանչյուր ուսումնական տարում:
26. Հայաստանի Հանրապետության Կառավարությունը յուրաքանչյուր տարի Հայաստանի Հանրապետության տվյալ տարվա պետական բյուջեով Համալսարանի համար նախատեսված միջոցների սահմաններում, ըստ մասնագիտությունների, բաշխում է պետության կողմից տրվող ուսանողական նպաստների քանակը, որը տեղափոխվում է կուրսից կուրս:
27. Առաջին կուրսում ուսանողական նպաստի ձևով ուսման վճարի լրիվ կամ մասնակի փոխհատուցում տրամադրվում է Հայաստանի Հանրապետության պետական բուհերի ընդունելության կանոններով սահմանված կարգով բուհ ընդունված ուսանողներին:
Հաջորդ կուրսերում ուսանողական նպաստի ձևով ուսման վճարի լրիվ փոխհատուցում տրվում է մեկ ուսումնական տարվա քննությունների և ստուգարքների արդյունքներով առավել բարձր առաջադիմություն ունեցող ուսանողներին` մրցութային հիմունքներով:
Ուսումնական տարվա քննությունների և ստուգարքների արդյունքում միևնույն պայմանների դեպքում հավասար միավորներ ունեցող երկու և ավելի ուսանողների պարագայում` երկրորդ կուրսում առավելությունը տրվում է առաջին կուրսի վերջին կիսամյակի քննաշրջանի արդյունքում առավել բարձր առաջադիմություն ցուցաբերած ուսանողներին, հաջորդ կուրսերում՝ նախորդ ուսումնական տարվա, իսկ վերջինիս հավասարության դեպքում՝ դրան նախորդող ուսումնական տարվա քննությունների և ստուգարքների արդյունքներով առավել բարձր առաջադիմություն ցուցաբերած ուսանողներին:
28. Համալսարանը վճարովի չափաքանակի շրջանակում սովորող ուսանողական համակազմի առնվազն 10 տոկոսին` ուսանողի սոցիալական վիճակի և բարձր առաջադիմության արդյունքների հաշվառմամբ, իր միջոցների հաշվին ուսման վճարը ուսանողական նպաստի ձևով մասնակի փոխհատուցում է`
- ա) սոցիալապես անապահով (ընտանիքների անապահովության սահմանային միավորից բարձր միավոր ունեցող ընտանիքների) ուսանողներին՝ ուսման վարձավճարը սահմանված փաստաթղթերի առկայության դեպքում փոխհատուցվում է 50 տոկոսի չափով՝ մեկ ուսումնական տարով.
- բ) միակողմանի ծնողազուրկ (միածնող) ուսանողներին՝ մինչև ուսման ավարտը վարձավճարը փոխհատուցվում է 25 տոկոսի չափով.
- գ) 3 և ավելի անչափահաս կամ 3 և ավելի ուսանող երեխաներ ունեցող ընտանիքների ուսանողներին՝ ուսման վարձավճարը փոխհատուցվում է 25 տոկոսի չափով՝ մեկ ուսումնական տարով,
- դ) Համալսարանում և այլ պետական բուհերում վճարովի ուսուցման համակարգում 2 ուսանող երեխաներ ունեցող ընտանիքների ուսանողներին՝ ուսման վարձավճարը փոխհատուցվում է 20 տոկոսի չափով՝ մեկ ուսումնական տարով,
-
ե) 1-ին խմբի հաշմանդամ ծնողներ ունեցող ուսանողներին՝ ուսման վարձավճարը փոխհատուցվում է 25 տոկոսի չափով՝ մեկ ուսումնական տարով, իսկ ծնողի անժամկետ հաշմանդամության դեպքում մինչև ուսման ավարտը,2-րդ խմբի հաշմանդամ ծնողներ ունեցող ուսանողներին՝ ուսման վարձավճարը փոխհատուցվում է 20 տոկոսի չափով՝ մեկ ուսումնական տարով, իսկ ծնողի անժամկետ հաշմանդամության դեպքում՝ մինչև ուսման ավարտը,
- զ) հեռավոր լեռնային և սահմանամերձ գյուղերի հանրակրթական դպրոցների ուսուցիչների երեխա-ուսանողներին՝ ուսման վարձավճարը փոխհատուցվում է 20 տոկոսի չափով՝ մեկ ուսումնական տարով,
- է) մինչև մեկ տարեկան երեխա ունեցող ուսանողներին՝ ուսման վարձավճարը փոխհատուցվում է 20 տոկոսի չափով՝ մեկ ուսումնական տարով.
- ը) Համալսարանի կողմից՝ ուսանողական նպաստների համակարգում չընդգրկված բարձր առաջադիմություն ունեցող և այլ կարգավիճակ ունեցող հետևյալ ուսանողներին՝
- ազատամարտիկների և նրանց հավասարեցված անձանց երեխաների ուսման վարձավճարը փոխհատուցվում է 50 տոկոսի չափով՝ մինչև ուսման ավարտը.
- Համալսարանի աշխատողների երեխաների ուսման վարձավճարը փոխհատուցվում է 50 տոկոսի չափով՝ մեկ ուսումնական տարով:
29. Ինտերնների համար կատարվող ուսման վարձավճարի փոխհատուցման գումարը չի ներառում նրանց վճարվող աշխատավարձի չափը:
30. Սույն կանոններով ՀՀ քաղաքացիների համար սահմանված ուսման վարձավճարի փոխհատուցումներից օգտվում են նաև Լեռնային Ղարաբաղի Հանրապետությունից և Վրաստանի Սամցխե-Ջավախք ու Քվեմո-Քարթլի նահանգներում գրանցված և բնակվող հայազգի ուսանողները:
31. Սույն կանոններից ուսման վարձավճարի փոխհատուցման մասին բացառություններ` Համալսարանի ուսման վարձավճարի փոխհատուցման հարցերի հանձնաժողովի անհատական որոշմամբ կարող են սահմանվել՝
- ա) սույն կարգով չնախատեսված սոցիալական այլ կարգավիճակ ունեցող ուսանողներին, այդ թվում օտարերկրյա ուսանողներին՝ համապատասխան փաստաթղթերի առկայության դեպքում՝ մեկ ուսումնական տարով.
- բ) մինչև 30 տոկոսի չափով պետական և հասարակական գործիչների պատճառաբանված միջնորդագրերի առկայության դեպքում, այդ թվում օտարերկրյա ուսանողների համար՝ մեկ ուսումնական տարով:
32. Սույն կարգով սահմանված ուսման վարձավճարի փոխհատուցման մեկից ավելի արտոնությունների առկայության դեպքում կիրառվում է փոխհատուցման միայն մեկ առավել չափ սահմանող արտոնությունը:
33. Ուսման վարձավճարի փոխհատուցումը կատարվում է տվյալ ուսումնական տարվա կտրվածքով, բացառությամբ այն փոխհատուցումը, որը սահմանվել է անժամկետ:
34. Ուսման վարձի լրիվ կամ մասնակի փոխհատուցման վերաբերյալ դիմումներն ընդունվում են յուրաքանչյուր տարվա օգոստոսի 15-ից մինչև սեպտեմբերի 15-ը ընկած ժամանակահատվածում:
Անհրաժեշտ դեպքերում սույն կետով նշված ժամկետը ռեկտորի կողմից կարող է երկարացվել մինչև նոյեմբերի 1-ը:
ԵԶՐԱՓԱԿԻՉ ԴՐՈՒՅԹՆԵՐ
35. Սույն կարգը ուժի մեջ է մտնում 2012 թվականի օգոստոսի 1-ից, հետադարձ ուժ չունի և տարածվում է 2012-2013 ուսումնական տարում ընդունվող ուսանողների և սովորողների վրա:
[*] Մանկական բժշկական մասնագիտությունների համար սահմանվում են մեծահասակների համանման մասնագիտությունների վարձավճարների չափերը և ժամկետները, բացառությամբ մանկական ստոմատոլոգիական մասնագիտության
