• Հայ
  • Рус
  • Eng
Ամառային ճամբար շաքարային դիաբետ ունեցող 35 երեխայի համար
Ամառային ճամբար շաքարային դիաբետ ունեցող 35 երեխայի համար
10.07.2019

Ամառային ճամբար շաքարային դիաբետ ունեցող 35 երեխայի համար «Մուրացան» հիվանդանոցային համալիրի, Հանրապետական մանկական էնդոկրինոլոգիական դիսպանսերի և «Կաթիլ» բարեգործական հիմնադրամի նախաձեռնությամբ հուլիսի սկզբին արդեն 10-րդ անգամ անցկացվեց ամառային ճամբար շաքարային դիաբետ ունեցող 35 երեխայի համար։

Լինելով ընտանիքից հեռու, բայց գտնվելով բժշկների, բուժքրոջ և ԵՊԲՀ էնդոկրինոլոգիայի ամբիոնի բժիշկ-օրդինատորի հսկողության տակ` երեխաները դառնում են ավելի ինքնուրույն, ավելի զգոն` իրենց եւ մյուսների նկատմամբ, կտրվում են առօրյայից, ունենում են հետաքրքիր ժամանց, ձեռք են բերում նոր ընկերներ, որոնցից հետո բաժանվում են մեծ դժվարությամբ:

Մեկ շաբաթվա ընթացքում երեխաները հասցրել են զբաղվել նկարչությամբ, կավագործությամբ, ունեցել են երաժշտության, պարի, պարդատիր մարմնամարզության ժամեր, ինչպես նաեւ պատրաստել են համերգ` ամենամյա խարույկի շուրջ իրենց բժիշկներին և ծնողներին ներկայացնելու համար։

Նշենք, որ արյան մեջ գլյուկոզայի հսկողությունը կատարվում էր Freestyle Libre Sensor CGMS գլիկեմիայի շարունակական մոնիթորինգի ապարատներով, որոնք ԱՄՆ-ի AHABA կազմակերպության կողմից երեխաներին հատկացրել էր հյուրընկալված բժիշկ Մարիամ Մանուկյանը, ինչպես նաև ավանդական Accu-check performa գլյուկոմետրերով: