Ղեկավար՝ Սևադա Վանիկի Հակոբյան, բ.գ.թ., դոցենտ
Սեքսոպաթոլոգիայի կլինիկան գործում է «Հերացի» թիվ 1 հիվանդանոցային համալիրի կազմում: Այն Հայաստանում գիտաբժշկական միակ կենտրոնն է, որի աշխատակիցները կլինիկական գործունեությանը զուգահեռ կատարում են գիտական հետազոտություններ` տպագրելով դրանք գիտաբժշկական տարբեր հանդեսներում:
Կլինիկայում աշխատում են արտերկրում վերապատրաստված և գիտական աստիճան ունեցող մասնագետներ, ովքեր բուժում և վերականգնում են անհատների ու ամուսնական զույգերի սեռական առողջությունը:
Այն ԵՊԲՀ սեքսոպաթոլոգիայի կուրսի կլինիկական բազան է:
Գիտական գործունեությունը
Կլինիկայում կատարվում են գիտական հետազոտություններ հետևյալ ուղղություններով`
- հոգեբանական և իրավիճակային գործոններով պայմանավորված սեռական խանգարումներ,
- սեռական դաստիարակության սխալներով պայմանավորված սեռական խանգարումներ,
- սեռական ցանկության խանգարումներ,
- տղամարդու անպտղությանը զուգակցվող սեռական խանգարումներ,
- զինծառայողների շրջանում սեռական դրսևորումների որոշ առանձնահատկություններ, գիշերամիզության տարածվածություն և բժշկական փորձաքննության կազմակերպման տակտիկա:
Ախտորոշման մեթոդներ են`
- ամուսնական զույգի սեռական աններդաշնակության համակարգային վերլուծություն,
- անձի տիպի որոշում,
- ամուսնական զույգի էմոցիոնալ տիպի որոշում,
- սեքսոլոգիական մասնագիտացված թեստեր,
- սեռական կոնստիտուցիայի որոշում:
Կլինիկայում կատարվում է հետևյալ հիվանդությունների բուժում՝
- հոգեբանական և իրավիճակային գործոններով պայմանավորված սեռական խանգարումներ,
- խրոնիկական բորբոքային հիվանդություններով պայմանավորված սեռական խանգարումներ,
- անոթային և նեյրոգեն գործոններով պայմանավորված սեռական խանգարումներ,
- էրեկցիոն դիսֆունկցիա (սեռական թուլություն),
- վաղաժամ և ուշացած սերմնաժայթքում,
- տղամարդկանց անպտղություն,
- տղամարդկանց անպտղության ժամանակ զուգակցվող սեռական խանգարումների բուժում,
- տարբեր պատճառներով պայմանավորված կանանց սեռական ֆունկցիայի խանգարումներ,
- սեռական ցանկության նվազում կամ բացակայություն,
- սեռական գրգռման խանգարում,
- անօրգազմիա,
- վագինիզմ,
- ցավ սեռական հարաբերության ժամանակ,
- սեքսուալ նևրոզներ։
Կատարվում են նաև ամուսնական զույգի սեռական աններդաշնակության ախտորոշում և բուժում, ամուսնական թերապիա:
Բուժումն իրականացվում է դեղորայքային թերապիայի, ֆիզիոթերապիայի, անհատական և ամուսնական հոգեթերապիայի, վարքային հոգեթերապիայի, վարքային-ճանաչողական և ռացիոնալ հոգեթերապիայի, ներշնչանքի (սուգեստիա), սեքս թերապիայի ձևով:
Համագործակցություն
Կլինիկան համագործակցում է Սեքսոլոգիայի համաշխարհային (WAS) և Հոգեբուժության հայկական ասոցիացիաների, Ուկրաինայի սեռական առողջության, Մոսկվայի քաղաքային հոգե-էնդոկրինոլոգիական կենտրոնների, Սանկտ-Պետերբուրգի բժշկական հետդիպլոմային ուսուցման ակադեմիայի (նևրոզների կլինիկա) հետ:
Կլինիկայի անձնակազմը
| Հակոբյան Սևադա Վանիկա | կլինիկայի ղեկավար, բ.գ.թ., դոցենտ |
| Հակոբյան Արամ Էդուարդի | բժիշկ-սեքսոպաթոլոգ, բ.գ.դ., պրոֆեսոր |
| Ազատյան Ռուզաննա Էդուարդի | բժիշկ-սեքսոպաթոլոգ |
| Փիլոյան Թամարա Ազատի | բժիշկ-գինեկոլոգ |
Հասցե՝ ՀՀ, Երևան, Աբովյան 58, ԵՊԲՀ համալսարանական «Հերացի» թիվ 1 հիվանդանոցային համալիր, Սեքսոպաթոլոգիայի կլինիկա
Հեռ.` (+374 10) 587 679
Էլ. հասցե` Այս էլ-փոստի հասցեն պաշտպանված է սպամ-բոտերից, այն տեսնելու համար պետք է միացված լինի Javascript-ը , Այս էլ-փոստի հասցեն պաշտպանված է սպամ-բոտերից, այն տեսնելու համար պետք է միացված լինի Javascript-ը
