Հասարակական գիտությունների ամբիոնը կազմավորվել է 1939 թ.-ին: 2007-ից ամբիոնն անվանվում է Փիլիսոփայության ամբիոն:
Ամբիոնը ղեկավարել են Տ. Ալեքսանյանը (1939-1941թթ. և 1959-1976 թթ.), Մ. Քոչարյանը (1957-1959 թթ.), Վ. Դարբինյանը (1976-1987 թթ.), Ռ. Ջիջյանը (1987-1994 թթ.), Ֆ. Կարապետյանը (1994-2004 թթ.), Ա. Մելքոնյանը (2004-2006թթ.), Ս. Դավթյանը (2006-2009թթ.) :
2009-ից ամբիոնի վարիչի պաշտոնակատար է Ռազմիկ Խաչիկի Տիգրանյանը, փ.գ.թ., դոցենտ:
Ուսուցումը
Ուսուցումը կատարվում է երեք լեզուներով` հայերեն, ռուսերեն, անգլերեն: «Բիոէթիկա» և «Փիլիսոփայություն» առարկաները դասավանդվում են I և II կուրսերում: Ամբիոնում տարին երկու անգամ կազմակերպվում է որակավորման բարձրացման քննություն (թեկնածուական մինիմումներ), որին մասնակցում են ԵՐԲՀ-ից և այլ բուհերից դիմած հայցորդ-ասպիրանտներ՝ այդ թվում` արտասահմանիցs:
Փիլիսոփայության առարկայի կրեդիտը 4.5 է, բիոէթիկայինը՝ 2.5: Գիտելիքների ստուգման ձևը` ստուգարք և քննություն:
Ամբիոնում դասավանդվող առարկաներն են`
Փիլիսոփայություն
Դասավանդման նպատակն է օգնել ուսանողներին ձևավորելու գիտական աշխարհայացք, փիլիսոփայական-քննադատական մտածողություն, մարդասիրության և հայրենասիրության սկզբունքների վրա հիմնված կողմնորոշման արժեքային համակարգ և գործելակերպ:
Հիմնական թեմաներն են՝ փիլիսոփայության առարկան, փիլիսոփայական մտքի զարգացման հիմնական փուլերը, մշակույթ և փիլիսոփայություն, գոյի դետերմինիզմի, իմացության, բարոյագիտության փիլիսոփայական հիմնահարցերը, մարդը հասարակական հարաբերությունների համակարգում, բժշկության փիլիսոփայական հիմնահարցերը, առողջության և հիվանդության, առողջ հասարակության հայեցակարգերը:
Դասավանդման մեթոդները՝ դասախոսություն /34 ժամ/, գործնական պարապմունքներ /34 ժամ/, ուսանողի ինքնուրույն աշխատանք:
Բիոէթիկա
Բիոէթիկա առարկան ԵՊԲՀ-ում դասավանդվում է 2000 թվականից (դասախոս` փիլիսոփայական գիտությունների թեկնածու, դոցենտ Սուսաննա Համբարձումի Դավթյան)։
2006-2009թթ.-ին Ս. Դավթյանը ղեկավարել է ԵՊԲՀ-ի փիլիսոփայության և բիոէթիկայի ամբիոնը:
2006-2007 ուստարվանից բիոէթիկան ընդգրկվել է պարտադիր առարկաների շարքում՝ երկու հարցմամբ և մեկ քննությունով:
2009-ին լույս է տեսել Ս. Դավթյանի հեղինակած «Բիոէթիկա» դասագիրքը, որը ՀՀ կրթության և գիտության նախարարության կողմից հաստատվել է որպես դասագիրք` բժշկական բուհերի ուսանողների համար:
Դոցենտ Ս.Հ. Դավթյանը բիոէթիկա առարկան դասավանդում է համալսարանի բոլոր ֆակուլտետների հայալեզու, ռուսալեզու, անգլալեզու ուսանողներին, տեղացի և արտասահմանցի ասպիրանտ-հայցորդներին, իսկ անհրաժեշտության դեպքում`նաև կրտսեր և միջին բուժանձնակազմին:
2002-ից Ս.Հ. Դավթյանը ՅՈՒՆԵՍԿՕ-ի հրավերով ամեն տարի մասնակցում է բիոէթիկայի վերաբերյալ միջազգային գիտաժողովներին և հանդես գալիս զեկուցումներով (Ռուսաստան, Բելոռուս, Մոլդովա, Գերմանիա, Սինգապուր, Իսրայել (4 անգամ) և այլն), առիթն օգտագործելով` նաև ներկայացնում հայ միջնադարյան մտածողներին` Ներսես Մեծ, Դավիթ Անհաղթ, Մխիթար Գոշ, Գրիգոր Նարեկացի և այլք։
2005-ից Ս. Դավթյանը ՅՈՒՆԵՍԿՕ-ի տարածաշրջանային փորձագետն է, ինչպես նաև` ԱՊՀ երկրների էթիկական ֆորումի վարչության անդամ։
2009-ից «Բիոէթիկա» դասավանդողների տարածաշրջանային փորձագետների ընկերակցության անդամ է:
2008-ին ԵՊԲՀ-ում Ս. Դավթյանի ղեկավարած փիլիսոփայության և բիոթիկայի ամբիոնն ընդգրկվում է ՅՈՒՆԵՍԿՕ-ի բիոէթիկայի ամբիոնի միջազգային ցանցում` որպես բիոէթիկայի ասպարեզում նրա գիտական և մանկավարժական բեղուն գործունեության գնահատական։
2009-ին նշանակվել ՅՈՒՆԵՍԿՕ-ի բիոէթիկայի ամբիոնի միջազգային ցանցի հայկական բաժանմունքի վարիչ:
2010-ին կնքվել է համաձայնագիր ՅՈՒՆԵՍԿՕ-ի (Դ. Բադարչ) և ԵՊԲՀ-ի (Ս. Դավթյան) միջև:
2011-ին Ս. Դավթյանն ընդգրկվել է բիոէթիկայի գծով միջազգային գիտական կոմիտեի կազմում:
Այսօր «Բիոէթիկա» առարկան դասավանդում են նաև ամբիոնի երիտասարդ դասախոսները:
Դասավանդման նպատակն է օգնել ուսանողներին ձեռք բերել բարոյագիտական խնդիրները ներառող գիտելիքներ՝ կապված բիոտեխնոլոգիաների աննախադեպ զարգացման և դրա անկանխատեսելի հետևանքների հետ:
Հիմնական թեմաներն են՝ բարոյագիտություն, բժշկական բարոյագիտություն, դեոնթոլոգիա, կենսաբարոյագիտություն, բարոյագիտական տեսությունների դասակարգում, կենսաբարոյագիտության սկզբունքներ ու նորմեր, պատմական մոդելներ, Կանտի հայեցակարգը պարտականության մասին, բժշկական անձնակազմի, հիմնարկների պարտականությունները և հիվանդի իրավունքները, իրազեկված համաձայնություն, կլոնավորում, էվթանազիա, էվթանազիան միջնադարյան և այսօրվա Հայաստանում (Դ. Անհաղթ, Մ. Գոշ, Ս. Գունդստաբլ և այլք), խոսքաբուժություն, երաժշտաբուժություն (Գ. Նարեկացի), հղիության արհեստական ընդհատման բարոյաիրավական հարցեր, մտավոր թույլ զարգացած անձանց իրավունքներ, հարկադրական հոսպիտալացում և ստերիլիզացում, մարդկանց և կենդանիների մասնակցությամբ կատարվող փորձարկումների էթիկական հիմնահարցեր, սոցիալական արդարությունն և քաղաքականությունն առողջապահության բնագավառում, միջազգային և ՀՀ ԱԺ հռչակագրերը, հոդվածներն ու փաստաթղթերը բիոէթիկայի վերաբերյալ:
Դասավանդման մեթոդները՝ դասախոսություն և գործնական պարապմունքներ (34 ժամ), ուսանողի ինքնուրույն աշխատանք:
Դասաժամերն անց են կացվում դիդակտիկ նյութերի, ֆիլմերի ցուցադրումով և քննարկումով, ինչպես նաև կազմակերպվում է համապատասխան թեմաներով (հարկադրական հոսպիտալացում, հարկադրական աբորտ, հարկադրական ստերիլիզացում, բժիշկ-հիվանդ հարաբերություններ, բժիշկ-հիվանդի ծնողներ հարաբերություններ) ներկայացումների դիտում Երևանի Հ.Մալյանի և Գ.Սունդուկյանի անվան ազգային ակադեմիական թատրոններում: Այդ առիթով առաջարկվում է կարդալ կամ դիտել հետևյալ հեղինակների գործերը.
- Աղ.Այվազյան` «Ցեղի ֆիզիոլոգիան»,
- Հր.Մաթևոսյան` «Ծառերը»,
- Թ.Ուիլյամս` «Տրամվայ-ցանկություն»,
- Բերֆուս` «Մեր ծնողների սեռական նևրոզները»,
- Ֆ.Գ. Լորկա` «Բեռնարդան և իր աղջիկները» և այլն:
Ներկայացումներից հետո կազմակերպվում է դրանց քննարկում ռեժիսիորների և դերասանական խմբի հետ:
Ամբիոնի աշխատակազմը
| Տիգրանյան Ռազմիկ Խաչիկի | ամբիոնի վարիչ, փ.գ.թ., դոցենտ |
| Դավթյան Սուսաննա Համբարձումի | փ.գ.թ., դոցենտ |
| Մելքոնյան Անահիտ Պարգևի | փ.գ.թ. դասախոս |
| Ազիզյան Անի Արայիկի | դասախոս |
| Նեմիշալյան Ռոզա Վաչիկի | դասախոս |
| Սահակյան Հայարփի Գագիկի | դասախոս |
Հասցե՝ ՀՀ, Երևան, Կորյունի 2, ԵՊԲՀ, Փիլիսոփայության ամբիոն
Հեռ` +(374 10) 56 45 10 Ներքին՝ 3-12
Ֆաքս` + (374 10) 58 25 32
Էլ. փոստ`
Այս էլ-փոստի հասցեն պաշտպանված է սպամ-բոտերից, այն տեսնելու համար պետք է միացված լինի Javascript-ը
