Yerevan State Medical University

Հիմնադրվել է 1999թ.-ին:

Ամբիոնի վարիչի պաշտոնակատար՝ Իրինա Էդուարդի Մալխասյան, բժշկական գիտությունների դոկտոր։

Պատմություն

Երևանի պետական բժշկական ինստիտուտի ուսանողները նախկինում տարիներ շարունակ «անեսթեզիոլոգիա և ռեանիմատոլոգիա» առարկան ուսումնասիրել են «վիրաբուժություն» առարկայի շրջանակներում:

1975-1998 թ.թ.-ին, վիրաբուժական հիվանդություններ ամբիոնին կից գործում էր անես­թե­զիոլո­գիայի և ռեանիմատոլոգիայի կուրս, որը ղեկավարում էր բ. գ. թ., դոցենտ Գեորգի Հովհաննեսի Անժելովը: Առարկայի ուսուցման բազան կենտրոնացված էր Վ. Ի. Լենինի անվան հանրապետական հիվանդանոցում (այժմյան «Արմենիա» բժշկական կենտրոն), որտեղ 1972-ին բացվել է հանրապետության առաջին վերակենդանացման բաժանմունքը, իսկ 1981-ից գործում էր նաև հանրապետության միակ թունաբանական կենտրոնը՝ դոցենտ Գ. Հ. Անժելովի ղեկավարությամբ):

1999-ին բ.գ.դ., պրոֆեսոր Գագիկ Գնունու Մխոյանի կողմից Երևանի Մխիթար Հերացու անվան պետական բժշկական համալսարանում «Էրեբունի» բժշկական կենտրոնի կլինիկական բազայի վրա հիմնադրվեց անեսթեզիոլոգիայի, ռեանիմատոլոգիայի և ինտենսիվ թերապիայի ամբիոնը, որը ոչ միայն բժշկական համալսարանի ուսանողներին ծանոթացնում է առար­կայի հիմունքներին, այ­լև պատրաստում է կադրեր, ովքեր գերազանց աշխատանքի արդյունքներ են ցուցաբերում կրիտի­կական վիճակների բժշկության բոլոր բնագավառներում` անեսթե­զիոլո­գիա, ինտենսիվ թերապիա (ռեանիմատոլո­գիա), անհետաձգելի բժշկություն և աղետների բժշկություն:

Մեծ է պրոֆեսոր Մխոյանի ներդրումը մեր հանրապետության անեսթեզիոլոգիայի և ինտենսիվ թերապիայի զարգացման գործում: Տարիներ շարունակ նա եղել է նաև ՀՀ ԱՆ գլխավոր մասնագետ և Հայաստանի Անեսթեզիոլոգների և ռեանիմատոլոգների միության նախագահ: Նրա ղեկավարությամբ պաշտպանվել են 1 դոկտորական և 8 թեկնածուական թեզեր, տպագրվել են ավելի քան 150 գիտական աշխատանքներ, 2008թ. արժանացել է Հայաստանի վաստակավոր բժիշկ պատվավոր կոչմանը:

Պրոֆեսոր Գ. Գ. Մխոյանն ամբիոնը ղեկավարել է մինչև 2009 թ.: Ներկայումս ամբիոնը ղեկավարում է բ.գ.դ., պրոֆեսոր Իրինա Էդուարդի Մալխասյանը, ով պրոֆեսոր Մխոյանի հետ ամբիոնի հիմնադիրներից է:

Ներկայումս ամբիոնի հիմնական կլինիկական բազան տեղակայված է համալսարանական «Հերացի» թիվ 1 հիվանդանոցային համալիրում:

Ուսուցում

Ամբիոնում դասավանդվում են հետևյալ առարկաները.

• անեսթեզիոլոգիա, ինտենսիվ թերապիա և անհետաձգելի բժշկություն՝ ընդհանուր բժշկության ֆակուլտետի չորրորդ կուրսում` երեք շաբաթ տևողությամբ,
• անեսթեզիոլոգիա և անհետաձգելի իրավիճակներ՝ ստոմատոլոգիայի ֆակուլտետի երրորդ կուրսում` երկու շաբաթ տևողությամբ,
• անհետաձգելի բժշկություն՝ դեղագիտական ֆակուլտետի չորրորդ կուրսում՝ երկու շաբաթ տևողությամբ,
• սիրտ – թոքային վերակենդանացում՝ կլինիկական օրդինատուրայի ուսումնառության առաջին տարում՝ մեկ շաբաթ տևողությամբ:

Դասավանդվող բոլոր առարկաների համար ամբիոնի կողմից հրատարակվել են համապատասխան ուսումնական ձեռնարկներ.

1. Малхасян И.Э. – Применение методов вспомогательной искусственной вентиляции легких. «ООО Мусалер», Ереван, 2007 г.
2. Մխոյան Գ. Գ., Եղիազարյան Մ. Ի. - «Սիրտ – թոքային վերակենդանացում», «Աստղիկ» գրատուն, Երևան, 2008 թ.,
3. Մխոյան Գ.Գ., Եղիազարյան Մ.Ի. - «Անզգայացման մեթոդներն ու անհետաձգելի իրավիճակները ատամնաբուժությունում», «Աստղիկ» գրատուն, Երևան, 2009 թ.,
4. Մխոյան Գ.Գ., Եղիազարյան Մ.Ի. - «Անեսթեզիոլոգիա, ինտենսիվ թերապիա և անհետաձգելի բժշկություն», «Յունիպրինտ» ՍՊԸ, Երևան, 2010թ.։

Ծրագրով նախատեսված նյութն ուսանողներին մատուցվում է դասախոսությունների, գործնական և ցիկլային պարապմունքների ձևով:

Հետդիպլոմային ուսուցում

Հետդիպլոմային ուսուցումն ամբիոնում ներկայացված է կլինիկական օրդինատուրայով և ասպիրանտուրայով՝ 3-ական տարի ընդհանուր տևողությամբ:

Տեսական գիտելիքներն ու գործնական հմտություններն ամբիոնի կլինիկական օրդինատորներն ստանում են եվրոպական համալսարանների պահանջներին համաձայն, որոնք նախատեսում են օրագրային գրանցումների վարում, ուսուցանող տեսաֆիլմերի դիտում, վարժասարքերի և համալսարանական գրադարանային ֆոնդի կիրառում:

Ամբիոնի ստեղծումից մինչ օրս այստեղ սովորել է 75 կլինիկական օրդինատոր։ Նրանց ուսումնա-աշխատանքային ծրագիրը ներառում է`

• ամենօրյա գործնական պարապմունքներ,
• դասախոսություններ, որոնք ներկայացվում են ամբիոնի պրոֆեսորադասախոսական կազմի և հանրապետության առաջատար մասնագետների կողմից,
• ամենշաբաթյա զեկույցներ՝ նախապես ընտրված գիտական թեմայով (ներկայացնում են կլինիկական օրդինատորները),
• հայրենական և միջազգային բժշկական գրականությունից հոդվածների տեսությունների կազմում,
• կլինիկական դեպքերի քննարկում,
• ցիկլային գործնական աշխատանքներ՝ ըստ մասնագիտությունների.
  • ընդհանուր ինտենսիվ թերապիա,
  • անեսթեզիոլոգիա (վնասվածքաբանություն և օրթոպեդիա, մանկաբարձություն և գինեկոլոգիա, ուրոլոգիա, ընդհանուր սրտային, կրծքային, նյարդային, պլաստիկ, մանկական, ՔԿԱ վիրաբուժություն),
  • անհետաձգելի բուժօգնություն՝ շտապ օգնության ծառայությունում (հերթապահությունների ձևով),
• հերթապահություններ ինտենսիվ թերապիայի բաժանմունքում՝ ուսուցման ողջ ընթացքում:

Գիտահետազոտական աշխատանքներ

Ամբիոնի աշխատակիցների կողմից իրականացվող գիտական աշխատանքներն ուղղված են ուսումնասիրելու և կատարելագործելու բազմակի վնասվածքներով, ցերեբրալ անոթային աղետներով, սուր շնչական պաթոլոգիաներով տառապող հիվանդների վարման, ինչպես նաև գեներալիզացված սեպսիսի և բազմաօրգանային անբավարարության բուժման և երկարատև արհեստական շնչառության իրականացման մեթոդների բարելավմանը:

Հետազոտության արդյուքնները ներկայացվել են հայրենական և միջազգային գիտաժողովներում և ներդրվել ազգային առողջապահության կլինիկական գործնեությունում:

Համագործակցություն

• European Society of Anesthesiology (ESA),
• Ռուս-գերմանակն անեսթեզիոլոգների միություն (ADRA)
• New York State Society of Anesthesiology (NYSSA)
• European Training Foundation, Tempus program
• World Federation of Societies of Anaesthesiology (WFSA),
• Committee for European Education in Anaesthesiology (CEEA).

Միջազգային գիտաժողովներ

Ամբիոնի կողմից կազմակերպվել են հետևյալ միջազգային գիտաժողովները.

• 2000 թ. նոյեմբեր, Գյումրի – Հայ-ֆրանսիական գիտաժողով «Անզգայացման և վնասված­քաբանու­թյան արդի խնդիրները»,
• 2001 թ. ապրիլ-մայիս, Ստեփանակերտ – Շարունակական կրթության դասընթաց «Անզգայացման և ինտենսիվ թերապիայի արդի խնդիրները»,
• 2001 թ. հոկտեմբեր, Երևան – Հայ-ռուս-գերմանական միջազգային գիտաժողով «Անզգայացման և ինտենսիվ թերապիայի որոշ հիմնախնդիրներ»,
• 2002 թ. հոկտեմբեր, Երևան – Միջազգային գիտաժողով «Արյան փոխներարկման արդի խնդիրները»,
• 2003 թ. հոկտեմբեր, Երևան – Անզգայացման և ինտենսիվ թերապիայի գիտաժողով Համահայկական վիրաբուժական համագումարի շրջանակներում,
• 2004 թ. մայիս, Երևան – Միջազգային գիտաժողով «Ցավ»,
• 2005 թ. հուլիս, Երևան - Արբանյակային գիտաժողով Ավստրո-ամերիկյան կազմակերպության և Հայ օգնության ֆոնդի հետ համատեղ,
• 2005 թ. նոյեմբեր, Երևան - Անեսթեզիոլոգիական կրթության Եվրոպական կազմակերպության 1-ին շարունակական կրթության դասընթացը,
• 2006 թ. սեպտեմբեր, Երևան – «Կիբելե» ծրագրի (ԱՄՆ) շարունակական կրթության դասընթացը «Անզգայացումը մանկաբարձության մեջ»,
• 2007 թ., ապրիլ, Երևան - Շարունակական կրթության դասընթաց «Անզգայացման և ինտենսիվ թերապիայի արդի խնդիրները»։

Ամբիոնի աշխատակազմը

Հասցե՝ ՀՀ, Երևան, 0025, Կորյունի 2, ԵՊԲՀ, Անես­թե­զիոլո­գիայի, ինտենսիվ թերապիայի և ռեանիմատոլոգիայի ամբիոն
Հեռ.՝ (374.10) 56-37-48
Ֆաքս՝ (374.10)58-25-32
Էլ. փոստ` Այս էլ-փոստի հասցեն պաշտպանված է սպամ-բոտերից, այն տեսնելու համար պետք է միացված լինի Javascript-ը