Yerevan State Medical University

Պատմություն

Ամբիոնը ղեկավարել են Խ. Դ. Արխիպյանցը (1926-1932թ.թ.), Ն. Բ. Հակոբյանը (1932-1950թ..թ.), Լ. Ա. Հարությունյանը (1950-1973թ.թ.), Տ. Ա. Ասմանգուլյանը (1973-2005թ.թ.)։

Ամբիոնն իր գործունեության ընթացքում ուսումնական աշխատանքներին զուգընթաց զգալի աշխատանք է կատարել հանրապետությունում հիգիենիկ գիտության զարգացման, ինչպես նաև մանկավարժական և գիտահետազոտական կադրերի պատրաստման գործում:

Ուսուցումը

Ամբիոնը համալսարանի բոլոր ֆակուլտետների բակալավրիատում և մագիստրատուրայում դասավանդում է «Հիգիենա» և «Բժշկական էկոլոգիա» առարկաները:

Ծրագրով նախատեսված թեմատիկ նյութն ուսանողներին մատուցվում է դասախոսությունների, գործնական պարապմունքների և ուսանողների ինքնուրույն աշխատանքի ձևով: Դասախոսությունների ընթացքում վերլուծվում են կանխարգելիչ բժշկության հիմնական խնդիրները: Գործնական պարապմունքների ընթացքում լաբորատոր փորձերի միջոցով քննարկվում են դասախոսությունների ընթացքում հանձնարարված թեմաները: Ուսանողի ինքնուրույն աշխատանքը կազմակերպվում է ռեֆերատների, զեկուցումների ներկայացման և բանավեճերի, կոնսուլտացիաների կազմակերպման միջոցով:

Ամբիոնում հրատարակվել է մեթոդական ձեռնարկ, որն ընդգրկում է դասավանդվող բոլոր թեմաները:

Հետդիպլոմային ուսուցումը

Հետդիպլոմային ուսուցումն ամբիոնում ներկայացված է օրդինատուրայով՝ 1 տարի և ասպիրանտուրայով՝ 3 տարի տևողությամբ:

Գիտահետազոտական աշխատանքները

Հիգիենայի և էկոլոգիայի ամբիոնում կատարվել են գիտահետազոտական աշխատանքներ հետևյալ թեմաներով ՝

• Սննդամթերքների քիմիական կազմի, նրանց մեջ թունավոր նյութերի առկայության որոշման, սննդային թունավորումների կանխարգելման հարցերի ուսումնասիրություն,
• Հանրապետության ջրամատակարարման և ջրային ռեսուրսների պահպանման, շրջակա միջավայրում վնասակար նյութերի նորմավորման հարցերի ուսումնասիրություն,
• Կենցաղային աղբի վնասազերծման եղանակի մշակում,
• Հայաստանի ռադիոակտիվ ֆոնի ճառագայթային ազդեցության ուսումնասիրություն:

Այժմ աշխատանքներ են տարվում հետևյալ ուղղություններով`

• Դպրոցականների և ուսանողների առողջական վիճակի, հոգեսոցիալական կարգավիճակի և ուսումնական ռեժիմի միջև գործող պատճառահետևանքային կապերի ուսումնասիրում,
• ազգաբնակչության առողջական վիճակի վրա բնական գործոնների (սնունդ և կլիմա) ազդեցության ուսումնասիրություն:

Վերջին 5 տարիների ընթացքում ամբիոնում գրված գիտական հոդվածները տպագրվել են Երևանում, Չելյաբինսկում, Տվերում, Մոսկվայում, Թբիլիսիում, Սոֆիայում, Կիևում, ԱՄՆ-ում։

Ամբիոնի աշխատակազմը

Հասցե՝ ՀՀ, Երևան, Կորյունի 2, ԵՊԲՀ, Հիգիենայի և էկոլոգիայի ամբիոն
Հեռ.` (+37410) 560 101
Էլ. Փոստ` Այս էլ-փոստի հասցեն պաշտպանված է սպամ-բոտերից, այն տեսնելու համար պետք է միացված լինի Javascript-ը