Ընդունելություն
2008 թվականից քոլեջում կարելի է ստանալ միջին բժշկական մասնագիտական կրթություն ատամնատեխնիկական գործ մասնագիտությամբ։ Քոլեջ կարող են դիմել միջնակարգ՝ 10-11-ամյա կրթություն ունեցող ՀՀ քաղաքացիները, ինչպես նաև համապատասխան կրթությամբ օտարերկրացիները։ Դիմորդներին իրավունք է վերապահվում իրենց ընտրությամբ ընդունելության գրավոր քննություններ (թեստ) հանձնել ֆիզիկա, քիմիա, կենսաբանություն՝ երեք մրցութային առարկաներից՝ երկուսը։
Մրցույթին մասնակցելու իրավունք ունեն նաև ՀՀ կրթության և գիտության նախարարության և Գնահատման և թեստավորման կենտրոնի կողմից կազմակերպված միասնական քննությունները դրական գնահատականներով հանձնած, բայց բուհ չընդունված դիմորդները՝ իրենց ստացած միավորներով։
ՀՀ կրթության և գիտության նախարարության և Գնահատման և թեստավորման կենտրոնի կողմից կազմակերպված միասնական քննություններից որևէ առարկայից դրական միավոր վաստակած դիմորդն ազատվում է քոլեջում այդ առարկայի ընդունելության քննությունից։
Ուսումնառության կազմակերպում
Ուսման տևողությունը 2 տարի է։ Ուսացումը կազմակերպվում է առանց տարեկետման իրավունքի, առկա, հայերեն լեզվով, վճարովի հիմունքներով։
Ուսումնառության ընթացքում քոլեջի ուսանողները տիրապետում են հետևյալ գործնական հմտություններին՝
- մետաղապլաստմասե և մետաղակերամիկական պրոթեզների պատրաստում,
- լրիվ ու մասնակի շարժական թիթեղային և բյուգելային պրոթեզների պատրաստում,
- օրթոդոնտիկ սարքավորումների և դիմածնոտային պրոթեզների պատրաստում։
Ուսումնառության ընթացքում մեծ նշանակություն է տրվում հիվանդի հետ ուսանողի ինքնուրույն աշխատանքին, ուսանողի ծանոթացմանը ժամանակակից բժշկական սարքավորումներին և դրանց տիրապետմանը։ Քոլեջի ուսանողների ուսումնառությունը կազմակերպվում և իրականացվում է համալսարանի համապատասխան ամբիոնների հետ, դասախոսական կազմը համալրված է համալսարանի աշխատակիցներով։
Որակավորում
Շրջանավարտները ստանում են միջին բժշկական մասնագետի՝ ատամնատեխնիկի որակավորմամբ պետական նմուշի դիպլոմ, աշխատանքի իրավունք ունենալով և՛ հանրապետությունում, և՛ արտասահմանյան բուժհիմնարկներում։
Ադմինիստրացիա
Քոլեջը ղեկավարում է տնօրենը։ Դեկանատը ղեկավարում է քոլեջի ուսանողների ուսումնամեթոդական, դաստիարակչական և այլ կազմակերպչական աշխատանքները։
Հասցե՝ ՀՀ, Երևան, Կորյունի 2, Երևանի Մ. Հերացու անվան պետական բժշկական քոլեջ
Հեռ.՝ (+37410) 561 100
Էլ. փոստ:
Այս էլ-փոստի հասցեն պաշտպանված է սպամ-բոտերից, այն տեսնելու համար պետք է միացված լինի Javascript-ը
